වැලිකඩ මැගසින් බන්ධනාගාරයේ තාප්පයට උඩින් ජංගම දුරකථන බැටරි 10ක් සහ හෙරොයින් පැකට්ටුවක් විසි කිරීමට උත්සහ කළ පුද්ගලයෙක් අත්අඩංගුවට ගෙන තිබේ.
කොළඹ අපරාධ විමර්ශන කොට්ඨාසයේ නිලධාරින් විසින් එම සැකකරුව අත්අඩංගුවට ගත් බව වාර්තා වේ.
පොලීසිය පැවසුවේ අදාළ පාර්සලයේ තිබී රුපියල් 36,000 ක මුදලක්ද සොයා ගත් බවය.
සැකකරු 35 හැවිරිදි බොරැල්ල සීවලී පටුමග පදිංචි පුද්ගලයෙකු බව අනාවරණය වී ඇත.
අදාළ පුද්ගලයා කොළඹ අපරාධ කොට්ඨාසයේ රදවාගෙන තවදුරටත් ප්‍රශ්න කරමින් පවතින බව වාර්තා වේ.
