කන්තලේ සේරුවිල මාර්ගයේ 12 බාධකය අසල දී අද (15) දහවල් සිදුවු රිය අනතුරකින් පුද්ගලයෙක් ජීවිතක්ෂයට පත්ව තිබේ.
යතුරුපැදියක් හා ටිපර් රථයක් මුහුණට මුහුණ ගැටීමෙන් යතුරුපැදියේ ගමන් ගත් ගාල්ල ප්‍රදේශයේ පදිංචි ගුරුවරයෙක් මෙලෙස ජීවිතක්ෂයට පත්ව ඇත.
අනතුර සිදුවු ස්ථානයේ දී ම එම පුද්ගලයා ජීවිතක්ෂයට පත්ව ඇති අතර සූරියපුර පොලීසිය වැඩිදුර පරීක්ෂණ සිදුකරයි.
මේ අතර, නුවරඑළිය – තලවකැලේ මාර්ගයේ නානුඔය, වින්ඩිකෝනර් ප්‍රදේශයේ දී යතුරුපැදියක් හා ලංගම බස් රථයක ගැටීමෙන් සිදු වු අනතුරකින් තරුණයෙකු ජීවිතක්ෂයට පත්ව තිබේ.
මෙසේ ජීවිතක්ෂයට පත්ව ඇත්තේ නෝඩුඩ්, පහළ කොටසේ පදිංචිව සිටි සෙල්වරාජ් ප්‍රේම්සදීස් නැමති 24 හැවිරිදි තරුණයෙකි.
යතුරුපැදිය ඉදිරියෙන් ධාවනය වු වාහනයකට ඉස්සර කිරීමට යාමේ දී ඊට ප්‍රතිවිරුද්ධ දෙසින් ඉදිරියට ධාවනය වු ලංගම බස් රථයේ ගැටීමෙන් මෙම අනතුර සිදුව ඇතැයි පොලීසිය සිදුකරන ලද මුලික පරීක්ෂණවල දී ආවරණය වී තිබේ.
බස් රථයේ රියදුරු පොලීසිය විසින් සැකපිට අත්අඩංගුවට ගෙන ඇති අතර ඔහු නුවරඑළිය අධිකරණයට ඉදිරිපත් කිරීමට නියමිත ය.
