මේ දක්වා විගණකාධිපති කෙනෙක් පත් නොකිරීම සහ නීතිපතිවරයාට සිදුකරණ බලපෑම් සම්බන්ධයෙන් ජනාධිපති ප්රමුඛ වර්තමාන ආණ්ඩුවට එරෙහිව අද(23) දින ජාත්යන්තරය දැනුවත් කිරීමට තීරණය කළ බව සමගි ජනබල සන්ධානයේ ජාතික සංවිධායක, පාර්ලිමේන්තු මන්ත්රි සුජීව සේනසිංහ ප්රකාශ කරනවා.මෙම දැනුම් දීම ලිඛිතව මෙරට සියළුම තානාපතිවරුන්ට, මහ කොමසාරිස්වරුන්ට අද දින යැවීමට කටයුතු කළ බවද මන්ත්රිවරයා සඳහන් කරනවා.මීට අමතරව ඇමරිකානු ජනාධිපති ප්රමුඛ ලෝකයේ සියළුම රටවල රාජ්ය නායකයින්ට, ජාත්යන්තර මුල්ය අරමුදලට, ලෝක බැංකුවට, පොදු රාජ්ය මණ්ඩලයට, ආසියානු සංවර්ධන බැංකුවට, ජාත්යන්තර නීතිවේදීන්ගේ කොමිසම ඇතුළු ජාත්යයන්තර සංවිධාන රැසකට ලිඛිතව මෙම දැනුම් දීම සිදුකළ බව ද මන්ත්රිවරයා ප්රකාශ කළා.විගණකාධිපතිවරයා පත්නොකිරීම, නීතිපතිවරයාට බලපෑම් කිරීම ඇතුළු ප්රජාතන්ත්ර විරෝධී කටයුතු රැසක් සිදුකරමින් වර්තමාන ආණ්ඩුව කටයුතු කරන බවත් මේ ගැන කඩිනමින් අවධානය යොමුකරන ලෙසට තමා ජාත්යන්තරයෙන් ඉල්ලා සිටින බවත් සුජීව සේනසිංහ මන්ත්රිවරයා වැඩිදුරටත් ප්රකාශ කළා.
