නව ආයෝජන සඳහා ශ්රී ලංකාව තුළ සෑම අංශයකින්ම යහපත් පරිසරයක් උදාවී ඇති නිසා අලුත් ආයෝජන රටට කැදවාගෙන එන ලෙස විදෙස්ගත ශ්රී ලාංකිකයින්ට ආරාධනා කරන බව විදේශ කටයුතු අමාත්ය විජිත හේරත් මහතා ප්රකාශ කරනවා. ඔහු මේ බව පැවසුවේ ඊයේ දිනයේදී සුපිරි හෝටලයක ඉදිකිරීම් ආරම්භ කිරීමේ අවස්ථාවට සහභාගි වෙමිණි. එම උත්සවයෙන් අනතුරුවය විජිත හේරත් අමාත්යවරයා සිය X ගිණුමේ දැක්වූ සටහන පහත සඳහන් වේ.සුඛෝපභෝගී AUREUM හෝටල් සංකීර්ණය ලක්සම්බර්ග් ආයෝජනයක් යටතේ ආරම්භ කිරීමේ අවස්ථාවට පසුගිය(20)දා එක් වීමි.එහි දී මා පෙන්වා දුන්නේ, කොරෝනා වසංගතයත් සමඟ වසා දමන ලද ව්යාපාර රටේ ඇති වී තිබෙන ආර්ථික හා දේශපාලන ස්ථාවරත්වය හේතුවෙන් අලුත් ආයෝජකයන් යටතේ නැවත ආරම්භ වන බවයි. පසුගිය වසරේ සංචාරක කර්මාන්තයේ වැදගත් කඩයිමක් දැවැන්ත පිම්මකින් පසු කිරීමට අප මෙහෙය වූ අතර ඒ හේතුවෙන් යුරෝපීය ආයෝජන ලංකාවට පැමිණ තිබේ. සංචාරක කර්මාන්ත ව්යාපෘතියක් වන මෙම ව්යාපාරය පසුගික කාලය තුළ වසා දමා වසර ගණනාවකට පසු නැවත ආරම්භ කිරීම රටට සුබවාදී පියවරක්. එබැවින් අලුත් ආයෝජකයන් රටට කැඳවාගෙන එන ලෙස සියලු විදෙස්ගත ශ්රී ලාංකිකයන්ට ආරාධනා කරනවා.
