බටහිර ඉන්දීය කොදෙව් කණ්ඩායම සහ අයර්ලන්තය අතර පැවැත්වීමට තිබු දෙවන එක්දින තරගය අවලංගු කිරීමට තීරණය කර තිබේ.
ඒ, අයර්ලන්ත කණ්ඩායමේ කිහිපදෙනෙකු කොවිඩ් ආසාදිතයන් ලෙස හඳුනාගැනීම නිසාවෙනි.
අයර්ලන්ත – කොදෙව් එක්දින තරගාවලියේ දෙවන එක්දින තරගය ඊයේ (11) පැවැත්වීමට නියමිතව තිබුණේ රාත්‍රී 8.15ට ය.
නමුත් ඊයේ උදෑසන ක්‍රීඩකයන්ට සිදුකළ රැපිඩ් ඇන්ටිජන් පරීක්ෂණවලින් අයර්ලන්ත කණ්ඩායමේ කිහිපදෙනෙකු කොවිඩ් ආසාදිතයෙක් ලෙස හඳුනා ගත් බවට වාර්තා විය.
අයර්ලන්ත කණ්ඩායමේ නායකයා, පුහුණුකරු ඇතුළු තවත් ක්‍රීඩකයන් කිහිපදෙනෙකු කොවිඩ් ආසාදිතයන් ලෙස හඳුනාගෙන තිබේ.
එම නිසා ඊයේ පැවැත්වීමට නියමිතව තිබු තරගය අවලංගු කිරීමට පියවර ගත්තේය.
දෙරට අතර තුන්වන එක්දින තරගය සිකුරාදා පැවැත්වීමට නියමිතය.
එම තරගය පිළිබඳව තවමත් තීරණයක් ලබාදී නොමැත.
දෙරට අතර පැවති පළමු එක්දින තරගය බටහිර ඉන්දීය කොදෙව් කණ්ඩායම ජයගත්තේය.
