ඉන්දියාවේ කොවිඩ් මරණ ලක්ෂය ඉක්මවයි
කොවිඩ් නයින්ටීන් වසංගතය හේතුවෙන් ඉන්දියාවේ මියගිය පුද්ගලයින් සංඛ්යාව ලක්ෂය ඉක්මවා ගොස් තිබේ.
ඒ කොවිඩ් මරණ ලක්ෂය ඉක්මවූ ලොව තෙවන රට බවට පත්වෙමින්.
මේ වන විට ඉන්දියාවේ කොවිඩ් මරණ 100,873ක් සිදුව ඇති අතර අමෙරිකාවේ මරණ 213,523ක් සහ බ්රසීලයේ මරණ 145,431ක් සිදුව තිබේ.
ඉන්දියාවේ පළමු කොවිඩ් මරණය වාර්තා වූයේ පසුගිය මාර්තු මස 12 වනදාය.
අනතුරුව පසුගිය සැප්තැම්බර් මස මුල් සතියේ සිට ඉන්දියාවේ දෛනිකව කොවිඩ් මරණ දහස ඉක්මවූ සංඛ්යාවක් වාර්තා වී තිබුණේ ලොව වැඩිම දෛනික කොවිඩ් මරණ වාර්තා වන රට බවට පත්වෙමිනි.
කෙසේවෙතත් කොරෝනා වසංගතයෙන් දැඩි බලපෑම් එල්ල වූ ලොව සෙසු රටවල් සමග සැසඳීමේ දී ඉන්දියාවේ මරණ අනුපාතය අඩු අගයක් ගන්නා බව ඉන්දීය බලධාරින් පෙන්වා දෙයි.
