*කටුනායක ගුවන්තොටුපොලට පැමිණෙන මගී ජනතාවට ඊයේ සිට 24 × 7 මගී බස් රථ සේවාවක් ඇරඹේ*…ගුවන්තොටුපොළට පැමිණෙන ජනතාව සඳහා පොදු ප්රවාහන සේවයක අවශ්යතාවය සපුරාලීම සඳහා වූ මූලික පියවරක් ලෙස අද දින සිට ගුවන්තොටුපොළ තුල සිට කොළඹ දක්වා පෞද්ගලික බස් රථ සේවයක් ඇරඹේ. මින් පෙර ඇවරියවත්ත බස් නැවතුම්පොළින් ගමන් අරඹන ලද මෙම බස් රථය අද දින සිට ගුවන්තොටුපොළින් ගමන් ඇරඹේ. මෙම සේවාව 24 × 7 සේවාවක් ලෙස ක්රියාත්මක වීමට නියමිතය. දැනට පුද්ගලික අංශය සතු බස් රථ ධාවනයේ යෙදවීමට නියමිත අතර ඉදිරියේ දී ගමන් මලු රැගෙන යාමේ පහසුව සහිත බස් රථ මෙම සේවය සඳහා යෙදවීමට බලාපොරොත්තු වන බව නියෝජ්ය අමාත්ය ජනිත රුවන් කොඩිතුවක්කු මහතා පවසා සිටින ලදී. මෙම සේවාව සපයන බස් රථ වල සේවය කරනු ලබන සේවක මහතුන් හට ජනතා හිතවාදී සේවයක් සැපයීම සඳහා වූ නිසි පුහුණුවක් ලබා දීමෙන් පසුව මෙම සේවයේ යොදවනු ලැබේ. රුපියල් 290 ක් වැනි මුදලකට කටුනායක සිට කොළඹ බලා සුවපහසුවෙන් පැමිණීමේ අවස්ථාව අද සිට මගී ජනතාවට හිමි වේ. ගුවන්තොටුපොළ අධිකාරිය, මාර්ගස්ථ මගී ප්රවාහන අධිකාරිය සහ රජයේ මඟ පෙන්වීම යටතේ මෙම ව්යාපෘතිය සාර්ථකව ආරම්භ කිරීමට හැකි විය. -මාධ්ය අංශයප්රවාහන, මහාමාර්ග, වරාය හා සිවිල් ගුවන්සේවා අමාත්යංශය
