කිලිනොච්චියෙනුත් කොවිඩ් ආසාදිතයෙක්
කොවිඩ් නයින්ටීන් වෛරස ආසාදිතයෙකු මේවන තෙක් වාර්තා නොවූ කිලිනොච්චිය දිස්ත්රික්කයෙන් අද (03) එක් ආසාදිතයෙකු හඳුනාගෙන ඇති බව ප්රදේශයේ සෞඛ්ය බලධාරීහු පවසති.
කිලිනොච්චිය, කණ්ඩාවේලෙයි ප්රදේශයේ පදිංචි 38 හැවිරිදි පුද්ගලයෙකු කොවිඩ් නයින්ටීන් ආසාදිතයෙකු ලෙස හදුනාගෙන ඇති බව සඳහන් වේ.
කොළඹ පිහිටි හෝටලයක සේවකයෙකු වන එම පුද්ගලයා පසුගිය 28 වනදා සිය නිවස පිහිටි කිලිනොච්චිය ප්රදේශය ට ගොස් තිබේ.
ඒ අනුව ඔහු ස්වයං නිරෝධායනයට ලක්කිරීමට පියවරගෙන ඇති අතර ඊයේ දිනයේ දී ඔහුට පීසීආර් පරීක්ෂණයක් සිදුකර ඇති බව සඳහන් වේ.
එහිදී ඔහුට කොවිඩ් නයින්ටීන් වෛරසය ආසාදනය වී ඇති බවට හඳුනාගෙන තිබේ.
එම ආසාදිතයා යාපනය, මරදන්කර්නි හි පිහිටි කොවිඩ් ප්රතිකාර මධ්යස්ථානය වෙත යොමුකිරීමට පියවර ගත් බව සෞඛ්ය අංශ පැවසුහ.
