සිංහරාජ වන රක්ෂිතයට සහ පරිසර පද්ධතියට කිසිඳු හානියක් සිදු නොවන ලෙස නෙළුව – ලංකාගම මාර්ගයේ ප්රතිසංස්කරණ කටයුතු සිදුකරන ලෙස ජනාධිපති ගෝඨාභය රාජපක්ෂ මහතා උපදෙස් ලබාදී තිබේ.
මෙම මාර්ගය ඉදිකිරීමේදී සිංහරාජ වන රක්ෂිතයට හානි සිදුවන බව විද්යුත්, මුද්රිත මෙන්ම සමාජ මාධ්ය ඔස්සේ පසුගිය දිනවල ප්රචාරය වීමත් සමඟ එහි ප්රතිසංස්කරණ කටයුතු නවත්වන ලෙස ජනාධිපතිවරයා නියෝග කළේය.
ඒ අනුව, ජනාධිපතිවරයා ඇතුළු මැති ඇමතිවරු සහ නිලධාරීන් අදාළ සිද්ධියේ සත්ය අසත්යතාවය පිළිබඳව සොයාබැලීම සඳහා අද (29) නෙළුව, ලංකාගම ප්රදේශයේ සංචාරයක නිරතව තිබේ.
නෙළුව – ලංකාගම මාර්ගයේ ප්රතිසංස්කරණය දින 90කදී සිදු කිරීමට ජනාධිපතිවරයා නියෝග කළ බවද ජනාධිපති මාධ්ය අංශය කළ නිවේදනයේ සඳහන් වේ.
මෙහිදී සිංහරාජ වන රක්ෂිතය හා මාර්ගයේ ප්රතිසංස්කරණයට ලක්වන ග්රාමීය ප්රදේශවල පරිසර පද්ධතිය රැක ගනිමින් දිගු කලක සිට ප්රදේශයේ ජනතාවගේ දැඩි අවශ්යතාවක් වන මෙම මාර්ගයේ ඉදිකිරීම් කටයුතු සිදුකළ යුතු බව ජනාධිපතිවරයා පෙන්වාදුන් බව ජනාධිපති මාධ්ය අංශය සඳහන් කළේ.
