ශ්‍රී ලංකාව යළි ගොඩනැගීමේ කටයුතු සඳහා ජපානය විසින් ඇමෙරිකානු ඩොලර් මිලියන 2.5 ක ආධාරයක් ලබාදී තිබෙනවා. ශ්‍රී ලංකාවේ ජපාන තානාපතිවරයා විසින් විදේශ කටයුතු අමාත්‍ය විජිත හේරත් මහතා වෙත මෙම ආධාර පිරිනැමුවා. මෙම ආධාර ලැබා ගැනීමෙන් අනතුරුව විජිත හේරත් අමාත්‍යවරයා සිය X ගිණුමේ තැබූ සටහන පහත සඳහන් වේ.දිත්වා සුළි කුණාටුවෙන් පසු ශ්‍රී ලංකාව, යථා තත්ත්වයට පත් කිරීම සහ නැවත ගොඩනැගීමේ කටයුතු සඳහා සහාය වීම පිණිස ජපාන රජයෙන් ඇමරිකානු ඩොලර් මිලියන 2.5ක ආධාරයක්, ශ්‍රී ලංකාවේ ජපාන තානාපති ගරු Akio Isomata මහතා විසින් පසුගිය දා නිල වශයෙන් මා වෙත භාර දෙන ලදී. ජපාන රජය මෙම ආධාර පරිනමනු ලැබුවේ ජපාන ආපදා සහන (JDR) වෛද්‍ය කණ්ඩායමක් කඩිනමින් ශ්‍රී ලංකාවට යැවීම සහ ශ්‍රී ලංකාවට හදිසි සහන ද්‍රව්‍ය ප්‍රමාණයක් ද සැපයීමෙන් අනතුරුව වීමත් විශේෂත්වයක් ගනී. දුෂ්කර කාලවලදී ශ්‍රී ලංකාවට අඛණ්ඩව සහයෝගය දැක්වීම සම්බන්ධයෙන් මම ජපාන රජයට සහ ජපාන වැසියන්ට ස්තූතිවන්ත වෙමි.
