බෞද්ධ හිමිකම් කොමිෂන් සභා වාර්තාව අග්රාමාත්ය මහින්ද රාජපක්ෂ මහතා වෙත භාරදී තිබේ.
සමස්ත ලංකා බෞද්ධ මහා සම්මේලනයේ සභාපති ජගත් සුමතිපාල මහතා විසින් අදාළ වාර්තාව අද (12) පෙරවරුවේ අග්රාමාත්යවරයා වෙත භාරදුන් බව අග්රාමාත්ය කාර්යාලය සඳහන් කරයි.
2018 වසරේ ස්ථාපිත කළ මෙම කොමිෂන් සභාව වසර දෙකකට අධික කාලයක් සාක්ෂි විමසීමට ලක්කර මෙම වාර්තාව සකස්කර තිබේ.
මෙම අවස්ථාවට සහභාගී වු නව සිහල රාවය ජාතික සංවිධානයේ මහලේකම් පුජ්ය මාගල්කන්දේ සුදත්ත හිමි අග්රාමාත්යවරයාගෙන් ඉල්ලීමක් කරමින් සඳහන්කර ඇත්තේ මෙරට පුරාවිද්යාත්මක වටිනාකම් දෙමළ මාධ්ය අධ්යාපනයට ඇතුළත් කිරීම පිළිබඳ සොයාබලන ලෙසය.
ඊට ඒ මොහොතේම ප්රතිචාර දක්වා ඇති අග්රාමාත්ය මහින්ද රාජපක්ෂ මහතා ජාතික උරුමයන් පිළිබඳ පරිච්ඡේදයන් දමිළ අධ්යාපනයට යොමුකිරීම සම්බන්ධයෙන් සොයාබලා දන්වන ලෙස අමාත්යාංශ ලේකම්වරයා වෙත උපදෙස් ලබාදී තිබේ.
