වර්තමාන ආණ්ඩුව යටතේ පසුගිය අප්රේල් 01 දින සිට ලබන ජනවාරි 01 වන විට පෞද්ගලික අංශයේ වැටුප රුපියල් දොලොදහස් දහස් පන්සියයකින් වැඩි කිරීමට කටයුතු කර තිබෙන බව විදේශ කටයුතු, විදේශ රැකියා හා සංචාරක අමාත්ය විජිත හේරත් මහතා අද පාර්ලිමේන්තුවේදී ප්රකාශ කළේය.පෞද්ගලික අංශයේ අවම වැටුප රුපියල් 17500ක් වූ අතර එය පසුගිය අප්රේල් 01දා සිට රුපියල් 3500කින් වැඩි කිරීමට අවශ්ය පනත් පාර්ලිමේන්තුවේදී අද දින සම්මත වන බවත් ඒ අනුව එම වැටුප් වැඩිවීම පසුගිය අප්රේල් 01වන දින සිට ක්රියාත්මක වන බවත් මෙතෙක් එම වැටුප් වැඩිවීම නොලැබූ පෞද්ගලික අංශයේ සේවකයින්ටද එම හිඟ වැටුපද හිමිවන බවත් අමාත්ය විජිත හේරත් මහතා විසින් පෙන්වා දෙන ලදී. මෙම වැටුප් වැඩිවීම අනුව 2026 ජනවාරි 01 වන විට පෞද්ගලික අංශයේ අවම වැටුප රුපියල් 30,000 දක්වා වැඩිවන බවත් ඊට සමගාමීව EPF අගය දෙගුණයකට ආසන්න ප්රමාණයකින් වැඩිවෙන බවත් අමාත්යවරයා සඳහන් කළේය. මීට අමතරව වතු කම්කරු ජනතාවට රුපියල් 1700ක් දිනක වැටුපක් ලබාදීමට වතු හිමිකරුවන් එකඟ වී තිබෙන බවත් වතුකම්කරු ජනතාවට දෛනික වැටුපක් වෙනුවට මාසික වැටුපක් ගෙවීමට ආණ්ඩුවේ අවධානය යොමු වී ඇති බවත් අමාත්ය විජිත හේරත් මහතා වැඩිදුරටත් ප්රකාශ කළේය.
