මහ මැතිවරණය කල් දැමිය යුතු නැහැ-ෆොන්සේකා අවධාරණය කරයි.
රටේ වත්මන් තත්ත්වය පිළිබඳව සැලකීමේදී පාර්ලිමේන්තු මහ මැතිවරණය කල් දැමීම අනවශ්ය කරුණක් බව හිටපු පාර්ලිමේන්තු මන්ත්රී ෆීල්ඩ් මාර්ෂල් සරත් ෆොන්සේකා මහතා ප්රකාශ කරයි. කැළණිය ප්රදේශයේ පැවති ජන හමුවක් ඇමතීමෙන් අනතුරුව මාධ්යවේදීන් නැගූ ප්රශ්න වලට පිළිතුරු ලබාදෙමින් හිටපු මන්ත්රීවරයා මේ බව සඳහන් කළේය. මෙහිදී වැඩිදුරටත් අදහස් දක්වමින් ඒ මහතා පෙන්වා දුන්නේ මේ මොහොතේ රටේ පවතින තත්ත්වය අනුව ඡන්දය කල් දැමීමට අවශ්ය නොමැති බවයි. තමන් ද කෙසේ හෝ ඉක්මනින් පාර්ලිමේන්තු මහ මැතිවරණය අවසන් කිරීමට කැමැත්තෙන් පසුවන බවද සඳහන් කළ සරත් ෆොන්සේකා මහතා ජන ජීවිතයට ප්රමුඛස්ථානයක් ලබා දෙන බවද පැවසීය.
