යළි විවෘත වූ මාළු වෙළෙඳ සංකීර්ණය
කොවිඩ් – 19 වසංගත තත්ත්වය හේතුවෙන් වසා දැමුණු පෑලියගොඩ මධ්යම මත්ස්ය වෙළෙඳ සංකීර්ණය අද (16) යළි විවෘතකර තිබේ.
අද අළුයම 2.00 සිට මත්ස්ය වෙළෙඳපොළ විවෘත වූ බව අද දෙරණ වාර්තාකරු පැවසීය.
උදෑසන 08 .00 දක්වා තොග වෙළෙඳාම සඳහා පමණක් මෙය විවෘත කෙරෙන බව සඳහන් ය.
සිල්ලර වෙළෙඳාම් කටයුතු පසුව ආරම්භ කිරීමට පියවර ගන්නා ලෙස විෂයභාර අමාත්යවරයා නිලධාරීන්ට උපදෙස් දී ඇතිබව ධීවර අමාත්යාංශය පවසයි.
තොග වෙළෙඳුන් හැර වෙනත් කිසිවෙකු වෙළෙඳ සංකීර්ණය වෙත පැමිණීමෙන් වැළකිය යුතු බවද ධීවර අමාත්යාංශය දැනුම් දී තිබේ.
පෑලියගොඩ මධ්යම මත්ස්ය වෙළෙඳ සංකීර්ණයේ වෙළෙඳුන් 50 දෙනෙකුට ආසන්න පිරිසකට කොවිඩ් -19 වෛරසය ආසාදනය වී ඇති බවට පසුගිය ඔක්තෝබර් මස 21 වනදා හඳුනාගැනීමත් සමග එම වෙළෙඳ සංකීර්ණය තාවකාලිකව වසා දැමුණි.
