රජය ප්රතිපත්ති හදන්නේ බොරු දත්ත මත පදනම්වයි – විපක්ෂ නායක සජිත් ප්රේමදාස මහතා
පිට පිටම අවස්ථා දෙකක් මෙරට ජනතාව රැවටුණු බවත් 2019 රැවටී රට බංකොලොත් වු බවත් 2024 රැවටි මුළු ජන සමාජයම සහමුළින්ම අකර්මන්ය වී ඇති බවත් ගොවියා, ධීවරයා, කම්කරුවා, ව්යවසායකයා, දරුවන්, කාන්තාවන් ඇතුළු ලක්ෂ 220 ජනතාව අසහනයෙන් පීඩනයෙන් සිටින බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අනුරාධපුර දිස්ත්රික්කයේ මැදවච්චිය ආසනයේ රඹෑව ප්රදේශයේ පැවැති සමගි ජන බලවේගයේ සාමාජික ප්රවර්ධන ජන හමුවක් අමතමිනි.
ජන සංඛ්යාව ලේඛන දෙපාර්තමේන්තුවට අනුව දින තිහක් එක් පුද්ගලයකුට ජීවත් වෙන්න රු. 17315ක් ප්රමාණවත් බවත් මේ සංගණනය දිස්ත්රික් මට්ටමින් ද කර ඇති බවත් වත්මන් රජයේ ප්රතිපත්තිය පදනම් වී ඇත්තේ බොරු දත්ත මත පදනම්ව බවත් විපක්ෂ නායකවරයා පැවසීය.
මේ රජය බොරුව අසත්ය ඇන්දවීම තුළ පදනම් වී ඇති බවත් එදා මැතිවරණ සමයේ කුඹුරට බැස ගොයම් කකා වී කිලෝවට රු. 150ක් දෙනවා කිව්වත් දැන් දෙන්නේ රු. 120ක් බවත් කෘෂිකර්ම ඇමතිවරයා පාර්ලිමේන්තුවේ කිව්වේ වී කිලෝවක් නිෂ්පාදනය කරන්න රු.137ක් යනවා කියා බවත් දැන් රජය කියපු එකක්වත් කළේ නැති බවත් විදුලි බිල 33%කින් අඩුකර වරායේ ගොඩබාන මිලට තෙල් දීම සහ ලක්ෂ 12 ට විට්ස් කාර් එකක් දෙනවා කිව්වත් එයද නොමැති බවත් විපක්ෂ නායකවරයා තවදුරටත් පැවසීය.
