රිළවු ගහනය වැඩිවීමෙන් වසර ගණනාවක සිට දැඩි අපහසුතාවයට පත් ගම්මානයක් පිළිබඳ තොරතුරු අද දෙරණට වාර්තා වුණි.
රිළවුන් සහ වඳුරන්ගෙන් නිරන්තරයෙන් කරදර එල්ලවන ශ්රී නිශ්ශංකමල්ලපුර ගම්මානය පිහිටා ඇත්තේ පොළොන්නරුව නගරයේ
සිට කිලෝමීටර 5ක් පමණ එපිටින් වූ ගල් විහාරය පුදබිම ආසන්නයේය.
පවුල් 400ක් පමණ ජීවත්වන මෙම ගම්මානයේ ගම්වැසියන් වගාවන් ඇතුළු සිය දෛනික කටයුතු මේ වනවිට අතහැර දමා ඇත්තේ
වඳුරු සහ රිළවු ගහනය වර්ධනය වැඩිවීමෙන් එල්ල වූ බලපෑම් නිසාය.
මෙම සතුන්ගෙන් එල්ල වන ශාරීරික පීඩාවලින් ආරක්ෂා වීමටද ගම්මුන්ට හැකියාවක් නැති බව වාර්තා වේ.
රිළා තර්ජනය හේතුවෙන් දැනටමත් එම ප්රදේශයේ පවුල් කිහිපයක් ගම්මානය හැර ගොස් අවසන්ය.
මෙම ජනතාව අදාළ බලධාරීන්ගෙන් ඉල්ලා සිටින්නේ රිළා ගහණය පාලනය කර තමන්ට ජීවත් වීමට සුදුසු පරිසරයක් සකස් කර
දෙන ලෙසය.
