නීතිවිරෝධීව ලෙස විදේශ රටකට පළායෑමට තැත්කළ පුද්ගලයින් 55ක් නාවික හමුදා භාරයට ගෙන අදාළ සැකකරුවන් හම්බන්තොට වරාය පොලිසීය වෙත භාර දී තිබේ.
ඊයේ (12) උදෑසන කාලයේදී මෙම පිරිස නාවික හමුදාව විසින් පොලීසිය වෙත භාර දී ඇත.
මෙම පිරිස හම්බන්තොට මුහුදු සීමාවේදී නාවික සැතපුම් 400ක පමණ දුරින් බහුදින ධීවර යාත්‍රාවකින් විදේශ රටකට පළායෑමට තැත්කළ ඇති බව පොලීසිය පවසයි.
සැකකරුවන් අතර අවුරුදු 03ත් 16 අතර පිරිමි ළමුන් 04ක් හා ගැහැණු ළමයකු, වයස අවුරුදු 22ත් 50ත් අතර කාන්තාවන් 03 හා පිරිමි පුද්ගලයින් 47ක් සිටී.
මෙම සැකකරුවන් මාම්පුරිය, මුලතිව්, ත්‍රිකුණාමලය, මන්නාරම, නිලාවේලී, කිලිනොච්චිය, වව්නියාව, මුතූර් සහ සාම්බල්තිවු යන ප්‍රදේශවල පදිංචිකරුවන් බව පොලීසිය පවසයි.
අදාළ සැකකරුවන් අද (13) හම්බන්තොට මහෙස්ත්‍රාත් අධිකරණය වෙත ඉදිරිපත් කිරීමට නියමිතය.
