ශ්රී ලංකාවේ ප්රථම තරු 7 හෝටලය අවියානා තිරසර සම්මාන ද්විත්වයක්ම දිනා ගනී. ශ්රී ලංකාවේ ප්රථම තරු 7 හෝටලය වන අවියානා හෝටල් සමූහය ශ්රී ලංකා තිරසර සම්මානයෙන් පිදුම් ලබයි. ලංකා ඉදිකිරීම්කරුවන්ගේ ආයතනය (CIOB) විසින් පසුගියදා සංවිධානය කරන ලද මෙම සම්මාන රාත්රියේ දී මෙරට සංචාර කර්මාන්තය වෙනුවෙන් සිදු කරනු ලබන මෙහෙවර සහ තිරසර ඉදිකිරීම් සඳහා අවියනා හෝටල් සමූහයේ සභාපති ආචාර්ය තිසර හේවාවසම් මහතාට මෙම සුවිශේෂි සම්මාන ද්විත්වය හිමි විය.සංචාරක ව්යාපාරය වැඩි දියුණු කිරීම සඳහා පරිසරහිතකාමී ලෙස තිරසර සංවර්ධනය අනුව කටයුතු කිරීම මෙම තරු 7 අති සුඛෝපභෝගී හෝටලය තිරසර අරමුණු සාක්ෂාත් කර ගැනීමෙන් ඉදිකිරීම යන කාරණා මුල්කරගෙන මෙම සම්මාන ද්විත්වය අවියානා හෝටල් සමූහය වෙත හිමිවීම විශේෂත්වයකි.13 වන ලෝක ඉදිකිරීම් සම්මන්ත්රණය සමඟ හවුල්කාරිත්වයෙන් සහ මොරටුව විශ්ව විද්යාලයේ අධ්යයන සහභාගීත්වයෙන් ලංකා ඉදිකිරීම්කරුවන්ගේ ආයතනය (CIOB) විසින් සංවිධානය කරන ලද ශ්රී ලංකා තිරසාර සම්මාන රාත්රිය (SSA) 2025 පසුගියදා කොළඹ හිල්ටන් හෝටලයේදී පැවැත්විණ.CIOB යනු ශ්රී ලංකාවේ ඉදිකිරීම් කර්මාන්තය නියෝජනය කරන ප්රමුඛතම වෘත්තීය ආයතනයයි. නවෝත්පාදනය, තිරසරභාවය සහ කර්මාන්ත විශිෂ්ටත්වය ප්රවර්ධනය කිරීමේ උරුමයක් ඇති CIOB, ධාරිතා වර්ධනය, ජාත්යන්තර සහයෝගීතාවය සහ හරිත භාවිතයන් සඳහා පෙනී සිටීම තුළින් ජාතික ඉදිකිරීම් න්යාය පත්රය ඉදිරියට ගෙන යාම සඳහා දායක වී ඇත. ඉදිකිරීම් අංශය තුළ සහ ඊට සම්බන්ධ තිරසර සංවර්ධනයේ සුවිශේෂී නායකත්වය සහ නවෝත්පාදනයන් පෙන්නුම් කරන පුද්ගලයින්, සංවිධාන සහ පද්ධති ඇගයීම සඳහා වන CIOB, 2025 ශ්රී ලංකා තිරසර සම්මාන උළෙල අභිමානවත් ලෙස සංවිධානයකර තිබුණි.තිරසර ගෘහ නිර්මාණ ශිල්පය, පරිසර නිර්මාණය, වගකිවයුතු ව්යාපෘති කළමනාකරණය, තරුණ හා ප්රජා සහභාගීත්වය සහ පිරිසිදු බලශක්තිය, චක්රීය ආර්ථික භාවිතයන් සහ නවීන තාක්ෂණය ඒකාබද්ධ කිරීම තුළින් කර්මාන්ත නැවත හැඩගන්වන පුද්ගලයින් මෙම සම්මාන මගින් ඇගයීමට ලක් කෙරේ. තිරසරභාවය මෙහෙයවීම, නවෝත්පාදනයන් පෝෂණය කිරීම සහ ශ්රී ලංකාවේ ඉදිකිරීම් කර්මාන්තය තුළ සහ ඉන් ඔබ්බට ධනාත්මක බලපෑමක් ඇති කිරීම සඳහා කැපී පෙනෙන නායකත්වය සඳහා SSA 2025 පිළිගැනීම පිරිනමන ලදී.
