සහරාන් හෂීම්ගේ බිරිඳගෙන් සාක්ෂි ලබා ගන්නේද නැද්ද ? – තීරණය හෙට
පාස්කු ඉරුදින මරාගෙන මැරෙන බෝම්බ ප්රහාර මාලාව මෙහෙය වූ සහරාන් හෂීම්ගේ බිරිඳ වන අබ්දුල් කාදර් පාතිමා හාදියා අද (22) ජනාධිපති විමර්ශන කොමිසම හමුවේ පෙනී සිටියාය.
අපරාධ පරීක්ෂණ දෙපාර්තමේන්තු අත්අඩංගුවේ පසුවන ඇය සාක්ෂි ලබාදීම සඳහා කොමිසම හමුවට පැමිණියේ පළමුවරටය.
2019 අප්රේල් 26 වැනිදා සිදුවූ සයින්දමරුදු පිපිරීමෙන් දිවිගලවා ගත් ඇය ත්රස්තවාදය වැළැක්වීමේ පනත යටතේ අපරාධ පරික්ෂණ දෙපාර්තමේන්තුව විසින් ඔවුන් භාරයේ මේ වන විට රඳවා සිටී.
නමුත් පාස්කු ප්රහාරය සම්බන්ධයෙන් මේ වනවිටත් අධිකරණයේ නීතීමය කටයුතු සිදුවන බැවින් මෙම කොමිසම හමුවේ ඇයගෙන් සාක්ෂි විමසිය හැකි ද යන්න පිළිබඳ ව රජයේ ජේෂ්ඨ අතිරේක සොලිස්ටර් ජනරාල් සරත් ජයමාන්න මහතා දීර්ඝ කරුණු පැහැදිලි කිරීමක් සිදුකළේය.
එම කරුණු පැහැදිලි කිරිම මාධ්යට විවෘත නොවූ අතර පසුව සහරාන් හෂීම්ගේ බිරිඳගෙන් සාක්ෂි ලබා ගන්නේද, නැද්ද යන්න පිළිබඳ ව තීන්දුව හෙට පෙරවරු 10.00ට ප්රකාශ කරන බව ජනාධිපති කොමිසමේ සභාපති විනිසුරුවරයා දැනුම් දුන්නේය.
මේ අතර හිටපු ජනාධිපති මෛත්රීපාල සිරිසේන මහතා 05 දිනටත් අද ජනාධිපති කොමිසම හමුවට පැමිණියේය.
අද පස්වරු 04.00ට පමණ කොමිසම වෙත පැමිණි හිටපු ජනාධිපතිවරයා පැයකට පමණ පසු එම ස්ථානයෙන් පිටව ගියේය.
