ගරු අමාත්‍යවරයා සහ නියෝජ්‍ය අමාත්‍යවරයාගේ විශේෂවරාය නිරීක්ෂණ චාරිකාව ############## ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍ය බිමල් රත්නායක මහතා ද නියෝජ්‍ය අමාත්‍ය ජනිත රුවන් කොඩිතවක්කු මහතා ද අද කොළඹ වරායේ ව්ශේෂ නිරීක්ෂණ චාරිකාවක නිරත වුණා. වරාය අධිකාරියේ සභාපති, උප සභාපති, කළමනාකාර අධ්‍යක්ෂ ඇතුළු නිළධාරීන් ද එයට සහභාගී වුණා.එහි දීනැගෙනහිර බහාලුම් පර්යන්තය, බටහිර බහාලුම් පර්යන්තය, ජය බහාලුම් පරයන්තය, CICT සහ SAGT යන යන සියලු පර්යන්ත වලට ගොස් සේවක ගැටළු පිලිබඳව සාකච්ඡා කර ඒවා විසඳන්නට අමාත්‍යවරයාගේ උපදෙස් ලබා දුන්නා. සියලු පර්යන්ත වල ප්‍රගතිය සමාලෝචන කළ අමාත්‍යවරයා මෙය ආකර්ශනීය වරායක් කරගැනීමට අවශ්‍ය දිරිමත් කිරීම සහ නෞකා පැමිණීම වැඩිකරගැනීමට මෙන් ම බහාලුම් ප්‍රමාණය වැඩිකරගැනීමට අවශ්‍ය උපදෙස් ද ලබාදුන්නා.විශේෂයෙන් නැගෙනහිර බහාලුම් පර්යන්තයේ කටයුතු අවසන් කිරීමේ ප්‍රමාදය නිසා සිදු වූ පාඩුව ගැන විමසා බැලූ අමාත්‍යවරයා එය 2025 ජූනි මස අවසන් කරන්නට අවශ්‍ය කටයුතු සම්පාදනය කරන්නට ද උපදෙස් දුන්නා. සියලු අංශ වල සේවකයින් හා සුහද කතා බහක නිරත වෙම්න් සිදු කළ මේ චාරිකාව තුළ අමාත්‍ය බිමල් රත්නායක මහතා අවධාරණය කළ වැදගත්ම කරුණක් වූයේ මෙම වරායේ විවිධ නමින් පර්යන්ත ක්‍රියාත්මක වුව ද සියල්ලන් එකමුතුව මෙය “කොළඹ වරාය” ලෙස ජාත්‍යන්තරයේ බබලවන්ට කටයුතු කිරීම ඉතා වටිනා බවයි.
