සෞභාග්යයේ දැක්ම විද්වත් අදහස්වලින් සපිරි වැඩපිළිවෙලක්…..
විද්වතුන්ගේ අදහස්වලින් සමන්විත සෞභාග්යයේ දැක්ම ප්රායෝගික වැඩපිළිවෙල ක්රියාත්මක කිරීම ඉදිරියේ පිහිටුවන නව රජයේ අරමුණ යැයි ශ්රී ලංකා පොදුජන පෙරමුණේ නායක, අග්රාමාත්ය මහින්ද රාජපක්ෂ මහතා පවසයි.
සෑම ක්ෂේත්රයකම විද්වතුන්ගේ අදහස් එක්වූ ජනාධිපති ගෝඨාභය රාජපක්ෂ මහතාගේ සෞභාග්යයේ දැක්ම ක්රියාත්මක කිරීම සඳහා තුනෙන් දෙකක බලයක් මෙවර මහ මැතිවරණයේදී ඉල්ලා සිටින්නේ හැටku ,ක්ෂයක ජනතාවක් එම වැඩපිළිවෙල අනුමත කර තිබෙන නිසා යැයිද අද (2020.07.17) කොළඹදී පැවැති විද්වත් හමුවකට එක් වෙමින් අග්රාමාත්යවරයා සඳහන් කළේය.
මෙවර මහ මැතිවරණය සඳහා මැතිවරණ ප්රකාශනයක් ඉදිරිපත් නොකිරීමට හේතු වූයේත් පසුගිය ජනාධිපතිවරණය සඳහා ඉදිරිපත් කළ සෞභාග්යයේ දැක්ම සෑම අංශයකම විද්වතුන්ගේ අදහස් අනුව සකස් කළ ප්රකාශනයක් නිසා යැයිද එහිදී අග්රාමාත්යවරයා අවධාරණය කළේය.
මෙරට සංවර්ධන ව්යාපෘති ක්රියාත්මක කිරීමට සහ කොවිඩ් වසංගත තත්ත්වයට මුහුණ දීම සඳහා අවශ්ය ප්රතිපාදන සපයා ගැනීමේ අරමුණින් මුදල් පනතක් පාර්ලිමේන්තුවට ඉදිරිපත් කිරීමට සූදානම් වූ ආකාරයත්, ඒ අවස්ථාවේ විපක්ෂය එම මුදල් පනත පරාජය කරන බවට කළ ප්රකාශත් සිහිපත් කළ අග්රාමාත්යවරයා සඳහන් කළේ ලැබුණු පළමු අවස්ථාවේදීම පාර්ලිමේන්තුව විසුරුවා හැරීමට පියවර ගනු ලැබුවේ එවැනි විපක්ෂයක් සමඟ රටක් ඉදිරියට ගෙන යාමේ හැකියාවක් නොමැති නිසා බවයි.
ඉදිරියටත් රටේ දියුණූව වෙනුවෙන් විද්වතුන්ගේ ප්රායෝගික අදහස් බලාපොරොත්තු වන බවද මෙහිදී අග්රාමාත්යවරයා වැඩිදුරටත් සඳහන් කළේය. මෙම අවස්ථාවට හිටපු අමාත්ය, කොළඹ දිස්ත්රික් අපේක්ෂක සුසිල් ප්රේමජයන්ත මහතා ඇතුළු විද්වතුන් පිරිසක් එක්වූහ.
