කොවිඩ් ආසාදිත කාන්තාවන් තිදෙනෙක්
යටියන්තොට, ඉංගිරියාවත්ත ප්රදේශයේ පදිංචි ගැබිණි කාන්තාවකට කොරෝනා වෛරසය ආසාදනය වී ඇති බව වාර්තා වේ.
ඒ අනුව එම කාන්තාව ඊයේ (02) රාත්රියේ අයි.ඩි.එච්.රෝහල වෙත ඇතුළත් කිරීමට මහජන සෞඛ්ය පරීක්ෂක නිලධාරීන් කටයුතු කර ඇති බව “අද දෙරණ” වාර්තාකරු සදහන් කළේය.
පෑලියගොඩ මත්ස්ය වෙළෙඳපොළට සම්බන්ධ අදාළ කාන්තාවගේ පියා මීට පෙර කොවිඩ්-19 ආසාදනය වීම හේතුවෙන් රෝහල්ගත කර ඇති බව ද සඳහන් වේ.
මේ අතර ඇඹිලිපිටිය, උඩවලව ප්රදේශයේ පදිංචි කාන්තාවන් දෙදෙනෙකුට ද කොවිඩ්-19 වෛරසය ආසාදනය වී ඇති බව වාර්තා වේ.
ප්රදේශය භාර පරිපාලන මහජන සෞඛ්ය පරීක්ෂක ආර්. එම්. කේ. බණ්ඩාර මහතා සඳහන් කළේ එකම නිවසේ පදිංචි කාන්තාවන් දෙදෙනෙකු එලෙස වෛරස ආසාදිතයින් ලෙස හඳුනාගෙන ඇති බවය.
මෙම කාන්තාවන් දෙදෙනා රැඳි සිටි නිවසේ පුද්ගලයෙකු පෑලියගොඩ මත්ස්ය වෙළෙඳ සංකීර්ණයේ ආසාදිතයින්ගේ ආශ්රිතයෙකු බව ද වාර්තා වේ.
