අයිස් මත්ද්රව්ය භාවිත කිරීම සදහා නිර්මාණය කරන ලද උපකරණයක් සමග රුපියල් ලක්ෂ 15කට අධික වටිනාකමකින් යුත් අයිස් මත්ද්රව්ය හා ලක්ෂ 2කට අධික මුදලක් හා අයිස් මත්ද්රව්ය සමග සැකකරුවෙකු ඊයෙ (23) තලංගම බණ්ඩාරවත්ත ප්රදේශයේ දී තලංගම පොලීසිය විසින් අත්අඩංගුවට ගෙන තිබේ.
ඉන්දියාවේ සිට මත්ද්රව්ය ජාවාරමේ නිරත බවට සැක කෙරෙන “වැල්ලේ සුරංග” නැමැත්තාගේ සහ බත්තරමුල්ලේ සංජු නැමැත්තාගේ ගෝලයෙක් වන ඉකුත් දා අත්අඩංගුවටපත් “තලාහේනේ බඩී” නැමැත්තාගේ මත්ද්රව්ය බෙදාහැරීම් සිදුකළ බවට සැකකරන රජිත නමැති (36) හැවිරිදි සැකකරුවෙක් මෙසේ අත්අඩංගුවට ගෙන ඇත.
අයිස් මත්ද්රව්ය භාවිත කිරීම සඳහා සැකකරු විසින් නිර්මාණය කලා යැයි සැකකරන උපකරණයක්, අයිස් මත්ද්රව්ය ග්රෑම් 250ක්, හෙරොයින් මත්ද්රව්ය ග්රෑම් 1.800ක් සමගින් තරාදියක්, මත්ද්රව්ය පැකට් කිරීමට යොදාගන්නා උපකරණ කිහිපයක්, සහ ජංගම දුරකථන දෙකක් සැකකරු සතුව තිබී සොයා ගෙන ඇත.
තලංගම බණ්ඩාරවත්ත ප්රදේශයේ පිහිටි සැකකරුගේ නිවෙස පරීක්ෂා කිරීමේදී මෙම මත්ද්රව්ය, මුදල් හා අදාල උපකරණ සොයාගත් බව පොලීසිය පැවසීය.
සැකකරු අද (24) කඩුවෙල මහෙස්ත්රාත් අධිකරණය වෙත ඉදිරිපත්කර රැදවුම් නියෝග ලබා ගැනීමට නියමිතය.
