හිටපු ජනාධිපති ,එක්සත් ජාතික පක්ෂයේ නායක රනිල් වික්රමසිංහ මහතා අත්අඩංගුවට ගැනීම නීති විරෝධී බවත් එය තරයේ හෙළා දකින බවත් ඔහුව නිදහස් කර ගැනීම වෙනුවෙන් කොන්දේසි විරහිතව එක් වී සටන් කරන බවත් ඒකාබද්ධ විපක්ෂයේ පක්ෂ නායකයෝ අවධාරණය කරති. අද කොළඹ පැවති මාධ්ය හමුවකට එක්වෙමින් ඒකාබද්ධ විපක්ෂයේ පක්ෂ නායකයින් සහ පක්ෂ නියෝජිතයියෝ මේ බව ප්රකාශ කළහ. ඔවුන් ප්රකාශ කරන්නේ ඉදිරියේදී තවත් මෙවැනි ප්රජාතන්ත්ර විරෝධී ක්රියා ඇති කිරීමේ සැලැස්මක් වර්තමාන ආණ්ඩුවට පවතින බවයි. මේ සම්බන්ධයෙන් දේශීයවත් ජාත්යන්තරවත් කළ හැකි උපරිම ක්රියාමාර්ග ගෙන ආණ්ඩුවේ මෙම ඒකාධිපති ගමන වළක්වා රට තුළ ප්රජාතන්ත්රවාදය ස්ථාපිත කිරීම සඳහා කටයුතු කරන බවද මෙම අවස්ථාවට සහභාගි වූ පක්ෂ නායකයෝ අවධාරණය කළහ.
