සිංගප්පුරුවේ වෙසෙන බෞද්ධ ජනතාව විසින් ආපදාවෙන් හානියට පත් ශ්‍රී ලංකාවේ ජන ජීවිතය නගාසිටුවීම සඳහා රුපියල් මිලියන් 20 ක පරිත්‍යාගයක් විදේශ කටයුතු,විදේශ රැකියා හා සංචාරක අමාත්‍ය විජිත හේරත් මහතාට භරදීම එම අමාත්‍යංශයේදී සිදුවිය.
බෙල්ලන්විල රජමහා විහාරාධිපති පූජ්‍ය බෙල්ලන්විල ධම්මරතන හිමි සහ සිංගප්පූරුවේ බෞද්ධ දායක මහතුන් දෙදෙනෙකු ඇතුළු පිරිසක් විදේශ කටයුතු අමාත්‍යංශයට පැමිණ මෙම පරිත්‍යාගය සිදුකළහ.
ඉන් අනතුරුව ඒ සම්බන්ධයෙන් විජිත හේරත් අමාත්‍යවරයා සිය X ගිණුමේ තැබූ සටහන පහත සඳහන් වේ.
බෙල්ලන්විල රජමහා විහාරාධිපති බෙල්ලන්විල ධම්මරතන හිමි සිංගප්පූරුවේ බෞද්ධ දායක මහතුන් දෙදෙනෙකු ද ඇතුළු පිරිස සමග අමාත්‍යාංශයේ දි මා මුණගැසුනහ. ශ්‍රී ලංකාව මුහුණ දුන් ව්‍යසනකාරී අවස්ථාවට සඳහා සිංගප්පූරුවේ බෞද්ධ ජනතාවගෙන් ලබාදෙන පරිත්‍යාගයක් ලෙස රැපියල් මිලියන 20ක චෙක්පතක් මා වෙත බාර දුන්හ. ශ්‍රී ලංකාව යළි නගාසිටුවීමේ ඉදිරි ප්‍රයත්න සඳහා ඉදිරියේ දී ද තවත් පරිත්‍යාගයන් ලබාදීමටත් දායක පිරිස පොරොන්දු වූහ. මෙම අවස්ථාවට ඩේවිඩ්, ටැන් යූ බෙන්ග්, මහින්ද මඩිහ හේවා, කිංස්ලි කුමාර පතිරගේ යන මහතුන් ද එක්ව සිටියහ.
