චමින්ද විජේසිරි මහතා සම්බන්ධයෙන් ඉදිරි නීති ක්රියාමාර්ග ගැනීමට සූදානම් බව විපක්ෂනායක සජිත් ප්රේමදාස මහතා නඩු තීන්දුවෙන් පසුව පැවසීය.
එම නඩු තීන්දුවෙන් පසු බදුල්ල මහාධිකරණයෙන් පිටතට පැමිණි පසු මාධ්යවේදීන් ඇසූ ප්රශ්නවලට පිළිතුරු ලබා දෙමින් විපක්ෂ නායකවරයා මේ බව පැවසීය.
මෙහිදී වැඩිදුරටත් අදහස් දැක්වූ විපක්ෂ නායක සජිත් ප්රේමදාස මහතා මෙසේද පැවසීය.
මං නඩු තීන්දුව ගැන මෙහිදී කතා කරන්නේ නැහැ. අපට ලොකු විශ්වාසයක් තිබෙනවා අපේ රටේ අධිකරණය ගැන. ඒ වගේම විශාල ගෞරවයක් තිබෙනවා.
අපි ඉදිරියේදී චමින්ද විජේසිරි මහතා වෙනුවෙන් අභියාචනාධිකරණයට අභියාචනාවක් ඉදිරිපත් කරලා ඊට අදාළව කටයුතු කරනවා.
අප බලාපොරොත්තු වෙනවා චමින්ද විජේසිරි මන්ත්රීවරයාට සාධාරණයක් ඉටු වෙයි කියලා කියලා. චමින්ද විජේසිරි මන්ත්රීවරයා බදුල්ල දිස්ත්රික්කයට පමණක් නොවෙයි, සමගි ජන බලවේගයට පමණක් නොවේ, මුළු රටක් වෙනුවෙන් පාර්ලිමේන්තුවේදී හඬක් නැගුවා. ජනතාවගේ පොදු ප්රශ්න ගැන නොබියව පාර්ලිමේන්තුවේදීත් කතා කළා.
චමින්ද විජේසිරි මන්ත්රීවරයා අපිට අහිමි වෙන්න කටයුතු කරන්නේ නෑ. රටේ අධිකරණය ගැන අපට ලොකු ගරුත්වයක් මෙන්ම විශ්වාසයක් තිබෙනවා. ඒ නිසාා ඉදිරියේදී අභියාචනාධිකරණය මගින් චමින්ද විජේසිරි මන්ත්රීවරයා සම්බන්ධයෙන් අදාළ කටයුතු සිදු කිරීමට බලාපොරොත්තු වෙනවා.
