පැලට ගිය ඇමති ජොන්ස්ටන් -දර්ශන සහිතයි
නිකවැරටිය මැතිවරණ කොට්ඨාසයේ පවතින වන අලි ගැටලුවට විසඳුමක් දීම සඳහා මහාමාර්ග අමාත්‍ය ජොන්ස්ටන් ප්‍රනාන්දු මහතා එම ප්‍රදේශයේ නිරීක්ෂණ චාරිකාවක නිරත විය.
වන අලින් හේතුවෙන් වගාවන් විශාල වශයෙන් විනාශයට පත්ව ඇති බව ද මෙහිදී සඳහන් කර සිටි අමාත්‍යවරයා, අලීන් නතර වෙන අක්කර 150ක් පමණ වු ලඳු කැලෑ හෙළි කිරීමට තීරණය කළ බවත් පැවසීය.
එමෙන්ම විශේෂ පොලිස් මෙහෙයුමක් ද ඊට සමගාමීව සිදුකිරීමට ඉල්ලීමක් කර ඇතැයි ද පැවසු අමාත්‍යවරයා, නිකවැරටිය ප්‍රදේශයේ වන අලි පළවා හැරීමට අවශ්‍ය අලි වෙඩි 300ක් පෞද්ගලිකව මැදිහත්ව ගෙන්වා දුන් බව ද කියාසිටියේය.
මේ සම්බන්ධයෙන් රාජ්‍ය අමාත්‍යවරයෙක් ජනාධිපතිවරයා විසින් පත්කර ඇතැයි ද පැවසු අමාත්‍යවරයා දින 10ක් තුළ එම රාජ්‍ය අමාත්‍යවරයා ද කුරුණෑගල දිස්ත්‍රික්කයට ගෙන්වා අලි ගැටලුවට ස්ථිර විසඳුමක් ලබා දීමට කටයුතු කරන බවය.
මේ අතර, ඊයේ දින නිකවැරටිය ප්‍රදේශයේ නිරීක්ෂණ චාරිකාවේ නිරත ව සිටි අමාත්‍යවරයා රාත්‍රී කාලයේ දී පැල් රකින පුද්ගලයෙක් සමග ද සුහද කථා බහක නිරත විය.
ඇමති – මොනව ද ගෙනාවේ කන්න…
පැල් රකින පුද්ගලයා – බත්
ඇමති – හොඳයි වගේ කෑම…
පැල් රකින පුද්ගලයා – අපි ඉතින් සැප විඳින මිනිසු යෑ…
ඇමති – බඩගින්නක් ආවා දකින කොට…
