ආරක්ෂක අමාත්යාංශය ගැසට් නොකර ජනාධිපතිවරයා විසින් එම අමාත්යධුරයේ කටයුතු කිරීම ආණ්ඩුක්රම ව්යවස්ථාව කඩකිරීමක් බව සමගි ජන බලවේගය පවසයි.
අද (24) කොළඹ පැවති මාධ්ය හමුවකට එක්වෙමින් එහි පාර්ලිමේන්තු මන්ත්රී තිස්ස අත්තනායක මහතා මේ බව සඳහන් කළේය.
“මූලික ගැටලු සඳහා කිසිඳු විසඳුමක් නැහැ. 19 සංශෝධනයද මූලික ගැටලුව. මූලික උපාය මාර්ගය වෙලා තිබෙන්නේ ද්විත්ව පුරවැසියන්ට ඡන්දය ඉල්ලන්න අවස්ථාව දෙන්න, ස්වාධීන කොමිෂන් සභා අහෝසි කරන්න. ව්යවස්ථාවට අනුව ජනපතිට අමාත්යධුර දරන්න බැහැ නමුත් ආරක්ෂක අමාත්යධුරය දරනවා. ගැසට් කරන්න බැහැ ව්යවස්ථා විරෝධි නිසා. ගැසට් නොකර කටයුතු කිරීම බලය අයුතු ලෙස භාවිත කිරීමක්. “ යනුවෙන් ඒ මහතා පැවසීය.
සුද්දාගේ කාලයේවත් ආරක්ෂක අමාත්යාංශය යටතේ රාජ්ය පරිපාලන අමාත්යාංශය තිබිලා නැහැ. මෙය සිවිල් පාලනයට අදාළ කාරණාවක් නිසා ව්යවස්ථාව වෙනස් කරන්න සමාජ කථිකාවක් අවශ්යයි“ යනුවෙන් පාර්ලිමේන්තු මන්ත්රි තිස්ස අත්තනායක මහතා වැඩිදුරටත් පැවසීය.
