කොළඹ වරාය නගරය ඉදිකිරීම තුළින් පළමු වතාවට මුහුදේ කොටසක් අපේ රටට එකතු කරගෙන ඇති බව අග්‍රාමාත්‍ය මහින්ද රාජපක්ෂ මහතා පවසයි.
කොළඹ වරාය නගර ව්‍යාපෘතියේ හය වෙනි සංවත්සරයට සමගාමීව සිදුකළ නිරීක්ෂණ චාරිකාවකට එක්වෙමින් අග්‍රාමාත්‍යවරයා මේ බව සඳහන් කළේය.
“චීන ජනාධිපතිතුමයි මමයි ආරම්භ කරපු මෙම ව්‍යාපෘතියට අදට වසර 6ක් ගත වෙනවා. පසුගිය කාලයේ සිදු වූ යම් යම් දේ නිසා වසර 2 පමණ එම ව්‍යාපෘතියේ වැඩ ප්‍රමාද වුණා. දැන් නැවත වරාය නගර ව්‍යාපෘතියේ වැඩ ආරම්භ වී තියෙනවා. අනාගත ශ්‍රී ලංකාවේ ප්‍රධාන ආදායම් මාර්ගය බවට කොළඹ වරාය නගර ව්‍යාපෘතිය පත් වෙනවා,” යනුවෙන් අග්‍රාමාත්‍යවරයා මෙහිදී පැවසීය.
“එමඟින් රැකියා 83,000 පමණ බිහි වෙනවා. මෙම ව්‍යාපෘතිය සඳහා සමස්ථ ආයෝජනය ඩොලර් බිලියන 15ක්. අපි කුඩා අවදියේ අසා තිබුණේ මුහුදට මේ රට ඛාදනය වෙනවා කියලා. පළමු වතාවට අපි මුහුද අපේ රටට එකතු කර ගත්තා,“ යනුවෙන් අග්‍රාමාත්‍යවරයා වැඩිදුරටත් පැවසීය.
