AI යෙදවුම් ඇසුරින් අමාත්ය විජිත හේරත් මහතාගේ රුව යොදා සංස්කරණය කළ අපහාසාත්මක ප්රකාශයක් සමාජ මාධ්ය තුළට මුදා හළ සමගි ජනබලවේගයේ ප්රබල තරුණ ක්රියාකරුවෙකුට එරෙහිව අපරාධ පරීක්ෂණ දෙපාර්තුමේන්තුවට පැමිණිලි*https://www.facebook.com/profile.php?id=100080459419676&sk=reels_tab යන ෆේස්බුක් ගිණුම හිමි මුජාහිත් හාෆිස් යනුවෙන් පෙනී සිටින තැනැත්තෙකු විසින් ජනතා විමුක්ති පෙරමුණේ දේශපාලන නායකයෙකු වන විජිත හේරත් මහතා යැයි හැඟවෙන රූපය සහ ජනතා විමුක්ති පෙරමුණේ පසුබිම භාවිත කරමින් ව්යාජ ලෙස සකස් කරන ලද වීඩියෝවක් සමාජ මාධ්ය තුළට මුදා හැර තිබේ. එය අපහාස කිරීමේ අරමුණින් ව්යාජ ලෙස AI තාක්ෂණයෙන් සංස්කරණය කරන ලද වීඩියෝවක් බව පෙනී යයි. එමගින් අමාත්ය විජිත හේරත්, ගරු ජනාධිපති අනුර කුමාර දිසානායක මහතා සහ ජනතා විමුක්ති පෙරමුණේ කීර්ති නාමයට හානි සිදු වී ඇත. එබැවින් මේ සම්බන්ධයෙන් කඩිනමින් පරීක්ෂණයක් ආරම්භ කර එම ගිණුම් හිමියාට එරෙහිව නීතීමය පියවර ගන්නා ලෙස අද (15) දින අමාත්ය විජිත හේරත් මහතාගේ සම්බන්ධීකරණ ලේකම් චමින්ද ජයනාථ මහතා විසින් අපරාධ පරීක්ෂණ දෙපාර්තුමේන්තුවට පැමිණිල්ලක් ගොනු කරනු ලැබීය.
