ජාතික රෝහලේ සේවිකාවන්ට කොරෝනා ආසාදනය වූ හැටි හෙළිවේ
ජාතික රෝහලේ සේවිකාවන් තිදෙනෙකුට කොවිඩ් -19 වෛරසය ආසාදනය වී ඇත්තේ මිනුවන්ගොඩ කොවිඩ් පොකුරේ ආශ්රිතයින් සමඟ සබඳතා පැවැත්වීමෙන් බව වසංගත රෝග විද්යා අංශය පවසයි.
එහි ප්රධාන වසංගත රෝග විද්යාඥ විශේෂඥ වෛද්ය සුදත් සමරවීර මහතා සඳහන් කළේ අදාළ සේවිකාවන් මේ වනවිට ප්රතිකාර සඳහා යොමු කර ඇති බවය.
සේවිකාවන් තිදෙනෙකුට කොවිඩ් – 19 වෛරසය ආසාදනය වීම හේතුවෙන් ජාතික රෝහලේ ශල්යාගාරයක් සහ වාට්ටු දෙකක් තාවකාලිකව වසා දැමීමට ඊයේ (10) දිනයේ පියවර ගනු ලැබීය.
ඉදිරියේදී ප්රධාන කර්මාන්ත ශාලාවල අහඹු ලෙස PCR පරීක්ෂණ පැවැත්වීම සම්බන්ධයෙන් මේ වනවිට අවධානය යොමුව ඇති බවද වෛද්ය සුදත් සමරවීර මහතා සඳහන් කළේය.
මේ අතර කටුනායක නිදහස් වෙළෙඳ කලාපයේ සේවකයින් 11 දෙනෙකුට ද කොවිඩ් – 19 වෛරසය ආසාදනය වී ඇති බව ඊයේ තහවුරු විය.
කාන්තාවන් දෙදෙනකු සහ පිරිමි පුද්ගලයින් 09 දෙනෙකු ඒ අතර වන බව කටුනායක සීදුව පරිපාලන මහජන සෞඛ්ය පරික්ෂක සුරේෂ් කුමාර මහතා සඳහන් කළේය.
ඔවුන් මැද මහනුවර, කටුනායක ඇවරිවත්ත, බඩල්ගම, හීනටියන, ජා ඇල, දංකොටුව යන ප්රදේශවල පදිංචිකරුවන්ය.
කටුනායක නිදහස් වෙළෙඳ කලාපයේ සිදුකළ PCR පරීක්ෂණ 178 කින් මෙම රෝගීන් 11 දෙනා හඳුනාගැනුණි.
