නිරෝධායන මධ්යස්ථානයකට ගෙනයමින් සිටි කාන්තාවක් මියයයි – හේතුව හෙළිවේ
මිනුවන්ගොඩ බ්රැන්ඩික්ස් ආයතනයේ කොරෝනා ආසාදිතයින්ගේ ආශ්රීතයින් පිරිසක් නිරෝධායනය සඳහා පොළොන්නරුව, වැලිකන්ද නිරෝධායන මධ්යස්ථානය වෙත රැගෙනයමින් සිටියදී එම බස් රථයක සිටි කාන්තාවක් ඊයේ (07) හදිසියේ මියගොස් තිබේ.
එලෙස මියගොස් ඇත්තේ ගම්පහ උඩුපිටිය, වරාපලාන අංක 81 ලිපිනයේ පදිංචිව සිටි 68 වියැති ඒ. එම්. අරුණ කාන්ති නම් සිව් දරු මවකි.
ඒ සම්බන්ධයෙන් විමසූ විට කොවිඩ් – 19 පැතිරීම වැළැක්වීමේ ජාතික ක්රියාන්විත මධ්යස්ථානයේ ප්රධානී, යුද හමුදාපති ශවේන්ද්ර සිල්වා මහතා පැවසුවේ, “ආසාදිත සේවකයෙකුගේ පවුල්වල අය නිරෝධායනය සඳහා ගෙනයමින් සිටියදී කාන්තාවක් හදිසියේ රෝගී තත්ත්වයට පත් වුණා. විශේෂයෙන්ම කන්දකාඩු ප්රදේශයට ආසන්නයේදී. හමුදාවේ වෛද්ය කණ්ඩායම් මැය වෙත සිදුකළ යුතු සියලුම වෛදය ප්රථිකාර සිදුකළා. නමුත් අවාසනාවන්ත ලෙස මෙම කාන්තාව හෘදයාබාදයකින් මිය ගිය බව අවසන් වශයෙන් අපට තහවුරු වුණා,” යනුවෙනි.
