පාස්කු ප්රහාරකයන් ඉන්න තැන කලින්ම කිව්වත් CID නිහඬ වුණා.
පාස්කු ප්රහාරකයන් ඉන්න තැන කලින්ම කිව්වත් CID නිහඬ වුණා. පාස්කු ප්රහාරයට පෙර සහරාන් ප්රමුඛ ප්රබල සාමාජිකයින් කිහිප දෙනකු සැඟවී සිටි ස්ථාන ගැන නිශ්චය තොරතුරු අපරාධ පරීක්ෂණ දෙපාර්තමේන්තුවට ලබා දී තිබුණද ඔවුන් ක්රියාත්මක නොවූ බව රාජ්ය බුද්ධි නිලධාරියෙක් පාස්කු ඉරිදා ප්රහාරය ගැන සොයා බලන ජනාධිපති විමර්ශන කොමිසමේ දී ප්රකාශ කර තිබේ. ආමි මොහිදීන් ,යූෂුෆ් සහ සහරාන්ගෙ සහෝදරයන් වන හෙයිනි සහ රිල්වාන් යන සමීපතමයන් සම්බන්ධයෙන් වූ එම තොරතුරු රාජ්ය බුද්ධි සේවය විසින් අපරාධ පරීක්ෂණ දෙපාර්තමේන්තුවට ලබා දී ඇත්තේ පාස්කු ප්රහාරයට මාස එකහමාරකට පෙර ය. ඒ අනුව අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායමක් මඩකලපුව පාසිකුඩා ප්රදේශයට පැමිණ රාජ්ය බුද්ධි සේවයේ නිරත බුද්ධි අංශ නිලධාරීන් දෙදෙනෙක් හමුවී තොරතුරු ලබාගෙන ඇති බවත් එහිදී බුද්ධි අංශ නිලධාරීන් ආමි මොහිදීන් සැඟවී සිටි ස්ථානය පවා අපරාධ පරීක්ෂණ දෙපාර්තමේන්තුවේ නිලධාරීන් පෙන්වා දී තිබෙන බවත් කොමිසම හමුවේ බුද්ධි නිලධාරියා අනාවරණය කළේය.
